აზერბაიჯანის ტელე-რადიო მაუწყებლობის ნაციონალურმა საბჭომ ტელეკომპანია ANS-ს ლიცენზია გაუუქმა, - ამის შესახებ BBC იუწყება. 

როგორც მედია საშუალება წერს, ორი კვირის წინ საბჭომ ტელეკომპანიის მაუწყებლობა ერთი თვით შეაჩერა. აზერბაიჯანის გენერალური პროკურატურის მტკიცებით, ტელეკომპანია ტერორიზმის ღია პროპაგანდასა და საბოტაჟს ეწეოდა, რომელიც თურქეთსა და აზერბაიჯანს შორის სტრატეგიული პარტნიორული ურთიერთობების გაუარესებისკენაა მიმართული.

აზერბაიჯანის ხელისუფლების უკმაყოფილება ANS-ს მიერ თურქეთში სახელმწიფო გადატრიალების მცდელობის გაშუქებამ გამოიწვია.

“სამწუხაროდ, ANS-მ დაიკავა პოზიცია, რომელიც რადიკალურად ეწინააღმდეგება აზერბაიჯანელი და თურქი ერების სტრატეგიული პარტნიორობისა და ძმობის ურთიერთობებს, აწარმოებდა პროპაგანდას, რომელიც მიმართული იყო თურქეთის სახელმწიფოსა და მთავრობის წინააღმდეგ, მხარდაჭერა აღმოუჩინა ფეთჰულა გიულენსა და მის მომხრეებს, რომლებიც სისხლიანი მოვლენების ორგანიზატორები იყვნენ, რასაც მრავალი ადამიანი ემსხვერპლა”, - ნათქვამია აზერბაიჯანის ტელე-რადიო მაუწყებლობის ნაციონალრი საბჭოს განცხადებაში.

ცნობისთვის, ტელეკომპანია ANS (Azerbaijani News Service) 1991 წელს შეიქმნა. ANS აზერბაიჯანში პირველი დამოუკიდებელი ტელეარხი იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა აშშ დაადანაშაულა ცეცხლის შეწყვეტის რეჟიმის დარღვევაში და უარი თქვა მოლაპარაკებების ახალ რაუნდზე

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.