სტამბოლის პოლიციის უფროსმა ქალაქის თავზე ვერტმფრენების გაფრთხილების გარეშე ჩამოგდების განკარგულება გასცა, - ამის შესახებ თურქული სააგენტო Anadolu იუწყება.

მედიის ცნობით, სამართალდამცველებმა გაფრთხილების გარეშე უნდა ჩამოაგდონ ნებისმიერი ვერთმფრენი, რომელიც ქალაქის ტავზე ნებართვის გარეშე იფრენს.

როგორც სააგენტო წერს, სტამბოლში უსაფრთხოების უზრუნველსაყოფად სხვა რეგიონებიდან 1 800 სპეცრაზმელი ჩაიყვანეს.

პოლიციის დამატებითი ძალები თურქეთის უმსხვილესი ქალაქის ქუჩებში პატრულირებენ. განსაკუთრებულად გაძლიერებულია სტამბოლში მნიშვნელოვანი ობიექტების დაცვა.

შეგახსენებთ, რომ თურქეთში სამხედრო გადატრიალების მცდელობა მოხდა, რის შედეგადაც 290-ზე მეტი ადამიანია დაღუპული, 1 400-ზე მეტი კი დაშავდა.

ცნობისთვის, ამბოხებულებმა რამდენიმე ვერტმფრენის გატაცება შეძლეს, ორი მათგანი ანკარას თავზე ჩამოაგდეს, კიდევ ერთით კი 8 სამხედრომ საბერძნეთში გაქცევა შეძლო, სადაც ისინი საზღვრის უკანონო გადაკვეთის ბრალდებით დააკავეს.

ბოლო ორი დღის განმავლობაში თურქეთში სახელმწიფო გადატრიალების მცდელობასთან კავშირში ეჭვმიტანილი 6 000 ადამიანი დააკავეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო