ჩინეთის ცენტრალურ და სამხრეთ პროვინციებში ძლიერი წყალდიდობის შედეგად 100-ზე მეტი ადამიანი დაიღუპა, 40-ზე მეტი ადამიანი კი უგზო-უკვლოდ დაკარგულად ითვლება, - ამის შესახებ ინფორმაციას Reuters ავრცელებს.

მედია საშუალების ინფორმაციით, სტიქიის გამო ჩინეთის 1,3 მილიონი მცხოვრები იძულებული გახდა, საცხოვრებელი სახლები მიეტოვებინა.

როგორც Reuters წერს, წვიმით გამოწვეულმა წყალდიდობამ 40 ათასზე მეტი საცხოვრებელი სახლი გაანადგურა. დატბორილია 1,9 მილიონ ჰექტარი ნათესები. დაზიანებულია გზები, რამდენიმე სოფელი გარე სამყაროსგან მოწყვეტილი აღმოჩნდა.

რამდენიმე რეგიონში შეწყვეტილია სარკინიგზო მიმოსვლა.

ჩინეთის ხელისუფლების წინასწარი შეფასებით, წყალდიდობის შედეგად მიყენებული ზარალი 6 მილიარდ დოლარს აღწევს.

სინოპტიკოსების პროგნოზით, უახლოესი კვირის განმავლობაში წყალდიდობის შედეგად დაზარალებულ ტერიტორიებზე წვიმა გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ