საფრანგეთის ყოფილი პრეზიდენტი ნიკოლა სარკოზი დააპატიმრეს. ცოტა ხნის წინ ის პარიზის La Santé -ს ციხეში მივიდა და სასჯელის მოხდა დაიწყო.

ნიკოლა სარკოზის ადვოკატების ცნობით, მას უსაფრთხოების მიზნით სამარტოო საკანში მოათავსებენ.

საპატიმროში მისვლამდე მან X-ზე პოსტი გამოაქვეყნა და მის წინააღმდეგ სასამართლო საქმეს შურისძიება უწოდა. 

"ამ დილით მე ვგრძნობ ღრმა ტკივილს საფრანგეთის გამო, რომელიც აღმოჩნდა დამცირებული შურისძიების გამოხატულებით, რომელმაც სიძულვილი არნახულ დონეზე აიყვანა. მე არ მეპარება ეჭვი, რომ სიმართლე გაიმარჯვებს, თუმცა საფასური დამანგრეველი იქნება", - დაწერა მან. 

25 სექტემბერს ნიკოლა სარკოზის 5 წლით თავისუფლების აღკვეთა მიუსაჯეს და 100 ათასი ევროს ოდენობის ჯარიმა დააკისრეს. საფრანგეთის სასამართლომ ის ნაწილობრივ დამნაშავედ ცნო ე.წ. ლიბიის საქმეში. კერძოდ, დანაშაულებრივ შეთქმულებაში, რომლის ფარგლებში მას ბრალად ედებოდა 2007 წლის საპრეზიდენტო კამპანიის დროს, ლიბიის ყოფილი ლიდერის, მუამარ კადაფის რეჟიმისგან დაფინანსების მიღების მიზნით, გარიგებაში მონაწილეობა.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო