2015-02-06 10:42:34, 744 ნახვა
საზოგადოება
ექიმი ლევან დოლიძე აჭარის ჯანდაცვის მინისტრის სიგელით დაჯილდოვდა
მოსახლეობის სამედიცინო მომსახურების საქმეში შეტანილი წვლილისა და დაბადებიდან 60 წელთან დაკავშირებით აჭარის ჯანდაცვის მინისტრის სიგელით ექიმი უროლოგი ლევან დოლიძე დაჯილდოვდა.
აჭარის ჯანდაცვის სამინისტროს ინფორმაციით, ლევან დოლიძეს საიუბილეო თარიღი აჭარის ჯანდაცვის მინისტრის მოადგილემ ზურაბ თენეიშვილმა, აჭარის უმაღლესი საბჭოს ჯანდაცვის კომისიის თავმჯდომარემ ჯემალ ფუტკარაძემ და ექიმთა გაერთიანების ხელმძღვანელმა რამაზ სურმანიძემ მიულოცეს.
ლევან დოლიძე სამედიცინო საქმიანობას 35 წელია ახორციელებს, ამჟამად იგი ჯანმრთელობის ცენტრ „მედინა“-ში მუშაობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
