გიორგი ანწუხელიძის სახელობის სერჟანტთა მომზადების ცენტრში სასწავლო პროცესი განახლდა.

თავდაცვის სამინისტროს ინფორმაციით, კურსები მიზნად საქართველოს შეიარაღებული ძალების სხვადასხვა ქვედანაყოფის სერჟანტთა კარიერულ ზრდას ისახავს.

ამჟამად სერჟანტთა მომზადების ცენტრში 3 კურსი მიმდინარეობს: ძირითად სასწავლო (ათეულის მეთაურის) კურსს 129 სამხედრო მოსამსახურე გადის. ოცეულის სერჟანტის (შუალედური) კურსზე 48 სამხედროა ჩარიცხული, ხოლო, სერჟანტთა სამეთაურო-საშტაბო კურსში 32 მსმენელი მონაწილეობს.

ძირითად სასწავლო კურსზე სამწყობრო და საერთო საჯარისო ტაქტიკა შეისწავლება. ოცეულის (შუალედურ) კურსზე სამხედროები საერთო საჯარისო ტაქტიკას, საბრძოლო მომზადების ორგანიზებას და ქვედანაყოფის მართვის პროცედურებს ეუფლებიან. სერჟანტთა სამეთაურო-საშტაბო კურსის ფარგლებში კი სერჟანტები საერთო საჯარისო ტაქტიკას, ქვედანაყოფის მართვის პროცედურებს, სამხედრო გადაწყვეტილების მიღების პროცესს, საბრძოლო მომზადების ორგანიზებას, საოფისე პროგრამებსა და კონფლიქტოლოგიას გადიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია