ამერიკის შეერთებულ შტატებში ჟურნალისტისა  და ოპერატორის მკვლელობაში ეჭვმიტანილმა მამაკაცმა სიცოცხლე თვითმკვლელობით დაასრულა. 
ჟურნალისტის და ოპერატორის მკვლელი მათი ყოფილი კოლეგა ვესტერ ლი ფლენიგანი აღმოჩნდა. 
თვითმკვლელობამდე რამდენიმე საათით ადრე, ფლენიგანმა  ტელეკომპანია „ეიბისი ნიუსს“ ფაქსით წერილი გაუგზავნა და განაცხადა, რომ მკვლელობის მოტივი ჟურნალისტების მიერ გაკეთებული რასისტული განცხადებები გახდა. 
როგორც ფლენიგანმა  აღნიშნა, მას ყველაზე მეტად ამერიკაში რასისტული და სექსუალური დისკრიმინაცია აღიზიანებდა. 
მისი თქმით, ის არაერთხელ ყოფილა დისკრიმინაციის მსხვერპლი. 
ცნობისთვის, აშშ-ში, ვირჯინიის შტატში პირდაპირ ეთერში ინტერვიუს მსვლელობისას ჟურნალისტი და ოპერატორი მოკლეს.
BBC-ის ინფორმაციით, დაღუპულები არიან ტელეკომპანია WDBJ7-ის ჟურნალისტი, 24 წლის ელისონ პარკერი და ოპერატორი, 27 წლის ადამ უარდი. ინციდენტი ბედფორდში მოხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.