2026-01-14 18:31:35, 604 ნახვა

---

ირანი რეგიონის ქვეყნებს აფრთხილებს თავდასხმის შემთხვევაში აშშ-ის ბაზებზე დარტყმების შესახებ - Reuters

ირანმა რეგიონის რამდენიმე ქვეყანა გააფრთხილა, რომ თუ აშშ ირანს თავს დაესხმება, მათ ტერიტორიაზე აშშ-ის სამხედრო ბაზებს დაარტყამს. ირანელმა მაღალჩინოსანმა როიტერს განუცხადა.

„თეირანმა რეგიონის ქვეყნებს, საუდის არაბეთიდან და არაბთა გაერთიანებული საამიროებიდან თურქეთამდე, განუცხადა, რომ ამ ქვეყნებში აშშ-ის ბაზებს თავს დაესხებიან, თუ აშშ ირანს დაარტყამს“, - თქვა ოფიციალურმა პირმა და დასძინა, რომ ირანმა ამ ქვეყნების მთავრობებს სთხოვა, ეცადონ თავიდან აიცილონ აშშ-ის ნებისმიერი თავდასხმა. წყარომ ასევე განაცხადა, რომ ტრამპის სპეციალურ წარმომადგენელ ვიტკოფსა და ირანის საგარეო საქმეთა მინისტრ არაღჩის შორის პირდაპირი კონტაქტები შეჩერებულია, რაც „ზრდადი დაძაბულობის ასახვაა“.

ამავდროულად, სააგენტო იუწყება, რომ შეერთებულმა შტატებმა ახლო აღმოსავლეთში ყველაზე დიდი ამერიკული სამხედრო ბაზიდან, კატარში მდებარე ალ უდეიდიდან, ზოგიერთი სამხედრო მოსამსახურის ევაკუაცია გასცა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი