ფოთის საკრებულოს თავმჯდომარემ დედამიწისათვის ხუთჯერ შემოვლის ტოლფასი საწვავი გახარჯა

2025-10-10 20:05:54, 1563 ნახვა

საზოგადოება

ფოთის საკრებულოს თავმჯდომარემ დედამიწისათვის ხუთჯერ შემოვლის ტოლფასი საწვავი გახარჯა - TI-ის კვლევა

ხარჯების ძირითადი ნაწილი - 5,167,504 ლარი (ხარჯების 85,4%) შრომის ანაზღაურებაზე მოდის;
პრემიის, ჯილდოს და დანამატის სახით კი ჯამში 83,732 ლარი გაიცა;
ფოთის საკრებულოს ბალანსზე ერთი ავტომობილი ირიცხება, 2022 წელს გამოშვებული “Kia Seltos”, რომელიც 2022 წლის ივნისში შეიძინა მუნიციპალიტეტმა 65,000 ლარად;
ფოთის საკრებულომ საანგარიშო პერიოდში 294,248 ლარის ღირებულების, 106,683 ლიტრი (106.6 ტონა) საწვავი გახარჯა;
გახარჯული საწვავის 15% საკრებულოს თავმჯდომარეზე, ალექსანდრე ტყებუჩავაზე მოდის: მან 2021 წლის დეკმებრიდან 2025 წლის მაისის ჩათვლით გახარჯა 48,007 ლარის 17,037 ლიტრი (17 ტონა) საწვავი. საწვავის ეს ოდენობა ავტომობილს საშუალოდ ეყოფა 212,500 კილომეტრის გასავლელად, რაც დედამიწისათვის ხუთჯერ შემოვლის ტოლფასია;
საკრებულოს სხვა თანამდებობის პირების საწვავის ლიმიტი 110-140 ლიტრია;
საანგარიში პერიოდში ფოთის საკრებულომ სხვა ხარჯებმა შეადგინა: საკრებულოს წევრობისთვის გაწეული ხარჯის ანაზღაურება - 412,576 ლარი; სატელეფონო კომუნიკაცია - 45,352 ლარი; მივლინება - 38,115 ლარი.