ალექსანდრ ვერშბოუ ვაზიანის პოლიგონს ეწვევა

2015-01-29 19:30:07, 496 ნახვა

პოლიტიკა

ნატოს გენერალური მდივნის მოადგილე ალექსანდრ ვერშბოუ ხვალ ვაზიანის პოლიგონს ესტუმრება.
თავდაცვის სამინისტროს პრესსამსახურის ინფორმაციით, ნატოელ სტუმარს პოლიგონზე თავდაცვის მინისტრი მინდია ჯანელიძე, საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე და სახმელეთო ჯარების აღმოსავლეთ სარდალი, პოლკოვნიკი ალექსანდრე კიკნაძე უმასპინძლებენ.
ვაზიანის პოლიგონზე სპეციალურად ნატოს გენერალური მდივნის მოადგილისთვის, მხარდამჭერი ელემენტებით, ასეულის ტაქტიკური ჯგუფის ამოცანაზე ორიენტირებული საველე სწავლება გაიმართება, რაც პოლიგონის შესაძლებლობების გაცნობას ისახავს მიზნად.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან