პედაგოგთა და მეცნიერთა თავისუფალი პროფკავშირი განათლებისა და მეცნიერების მინისტრის ახალ ბრძანებას ეთანხმება.
როგორც პროფკავშირის პრეზიდენტმა მაია კობახიძემ ჟურნალისტებს განუცხადა, საჯარო სკოლებში დისციპლინური სახდელები ახალი ბრძანების დამტკიცებამდეც არსებობდა.
თუმცა, მისივე თქმით, დამსაქმებლები ამ შინაგანაწესს ხშირ შემთხვევაში არ იყენებდნენ და მასწავლებლის გათავისუფლების უკიდურეს ფორმას მიმართავდნენ.
„დისციპლინური გადაცდომები და დისციპლინური სახდელები ახალი არ არის, ის შინაგანაწესში ისედაც იყო, თუმცა დამსაქმებლები ხშირ შემთხვევაში არ იყენებდნენ ამ პროცედურებს და მასწავლებლის  გათავისუფლების უკიდურეს ფორმას მიმართავდნენ. არ გადიოდნენ შენიშვნის, საყვედურის, სასტიკი საყვედურის ეტაპებს. ის, რაც კანონით რეგულირდება, უფრო მეტად გვაძლევს საშუალებას,  მასწავლებლები ეფექტურად დავიცვათ“, – აღნიშნა კობახიძემ.
მისივე განცხადებით, ბრძანების მიხედვით პედაგოგების ნარკოდამოკიდებულება გაკონტროლდება.
 „ბრძანების მიხედვით არის დარეგულირებული შემდეგი: სკოლის ტერიტორიაზე იკრძალება სიგარეტის მოხმარება, მასწავლებელი არ უნდა იყოს ნარკოტიკის, ალკოჰოლის და სხვა ტოქსიკური საშუალების ზემოქმედების ქვეშ, ასევე ძალიან დიდი მნიშვნელობა აქვს, ბრძანება რამდენად ობიექტურად ამოქმედდება. ჩვენ ბრძანებას ვეთანხმებით, რადგან ის დისციპლინურ კომიტეტს გააქტიურებს, სკოლებში მის როლს აამაღლებს. ამასთან დირექტორს ერთიპოვნულად გადაწყვეტილების მიღება შეეზღუდება“, – აღნიშნა მაია კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი