საქართველოს რეგიონული განვითარებისა და ინფრასტრუქტურის სამინისტროს აზიის განვითარების ბანკის (ADB) დელეგაცია ესტუმრა.

 უწყების  ინფორმაციით, დელეგაციის წევრები რეგიონული განვითარებისა და ინფრასტრუქტურის მინისტრს დავით შავლიაშვილს, საავტომობილო გზების დეპარტამენტის თავმჯომარეს ვაჟა ფანჩულიძეს და უწყების სხვა ხელმძვანელ პირებს შეხვდნენ.
 სტუმრები იმ ინფრასტრუქტურული პროექტებით დაინტერესდნენ, რომელსაც სამინისტრო ქვეყანაში მათი ფინანსური მხარდაჭერით ახორციელებს.
 შეხვედრაზე საუბარი შეეხო რუსთავი-თბილისის ჩქაროსნულია ვტომაგისტრალის, ქობულეთის შემოვლითი გზის მშენებლობის საკითხებს, ასევე საქართველოს სხვადასხვა რეგიონში წყალმომარაგების გაუმჯობესების მიმართულებით დაგეგმილ პროექტებს.
როგორც სამინისტროში აცხადებენ,  სტუმრებმა ქართული მხარის მიერ სხვადასხვა ინფრასტრუქტურული კუთხით გაწეული საქმიანობა დადებითად შეაფასეს და სამომავლო თანამშრომლობის გაღრმავების სურვილი გამოთქვეს. აზიის განვითარების ბანკი საქართველოში საგზაო ინფრასტრუქტურის მშენებლობის, წყალმომარაგების რეაბილიტაციისა და სხვა მნიშვნელოვანი პროექტების განხორციელებაში სამინისტროს ერთ-ერთი ძირითადი პარტნიორია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს