საქართველოს მთავრობასა და ევროპის რეკონსტრუქციისა და განვითარების ბანკს  შორის თანამშრომლობა ახალ ეტაპზე გადადის, – ამის შესახებ  პრემიერ–მინისტრ ირაკლი ღარიბაშვილისა და ევრობანკის პრეზიდენტის სერ სუმა ჩაკრაბატის შეხვედრაზე აღინიშნა.

შეხვედრა მთავრობის ადმინისტრაციაში, ევროპის რეკონსტრუქციისა და განვითარების ბანკის ყოველწლიური შეხვედრის ფარგლებში გაიმართა. 

მთავრობის ადმინისტრაციის პრესსამსახურის ინფორმაციით, მხარეებმა ქვეყანაში ინვესტიციების ზრდის, კერძო სექტორის სტიმულირებისა და ბიზნესგარემოს განვითარების პერსპექტივები განიხილეს. საუბარი შეეხო ინვესტორთა საბჭოსთან დაკავშირებულ საკითხებს და გამოითქვა იმედი, რომ ინვესტორთა საბჭო, ევროპის რეკონსტრუქციისა და განვითარების ბანკისა და საქართველოს მთავრობის ხელშეწყობით, აქტიურად იმუშავებს საქართველოში ინვესტიციების ზრდის მიმართულებით.

გაფართოებული ფორმატის შეხვედრაზე ხაზი გაესვა EBRD-ის ყოველწლიური შეხვედრისა და ბიზნესფორუმის მნიშვნელობას.  პრემიერ–მინისტრმა ირაკლი ღარიბაშვილმა სერ სუმა ჩაკრაბატს  საქართველოსთვის გამოცხადებული ნდობისთვის მადლობა გადაუხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსჯავრში მყოფი, აქციაში მონაწილე რუსეთის მოქალაქეები კარტის თამაშის გამო 5000-5000 ლარით დააჯარიმეს

რეჟიმმა ჯარის მოწამვლის საქმეში ბრალდებული „ბატონოსა“ და „კულას“ მფლობელი გაათავისუფლა

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს