პარლამენტის იურიდიულ საკითხთა კომიტეტის თავმჯდომარის ეკა ბესელიას განცხადებით, სამუშაო ჯგუფის სხდომაზე კონკრეტული გადაწყვეტილებები პრეზიდენტის არჩევის წესთან დაკავშირებით არ მიღებულა და ამ ეტაპზე მხოლოდ უფლებამოსილების ფარგლებზე მსჯელობენ.

როგორც ბესელიამ ჟურნალისტებს კომისიის სხდომის მიმდინარეობისას განუცხადა, თუ ჯგუფი წმინდა საპარლამენტო მოდელზე შეჯერდება, პრეზიდენტის არჩევის წესიც ამის შემდეგ გახდება ნათელი.

„კონსტიტუცია არ იწერება არც პრეზიდენტისთვის, არც პრემიერ-მინისტრისთვის სახელობითად. ის იწერება კონსტიტუციურ პრინციპებზე, იმ მოდელზე დაყრდნობით, რომელსაც ქვეყანა ირჩევს. თუ ვსაუბრობთ საპარლამენტო მოდელზე, უნდა ვთქვათ, რომ ის რაც ხარვეზია, ვისაც არ უნდა ეხებოდეს, ეს ხარვეზი უნდა გასწორდეს. ჩემთვის პირადად პრეზიდენტის არჩევის წესი დამოკიდებულია იმაზე, თუ როგორ მოდელს ჩამოვაყალიბებთ საბოლოოდ. თუ წმინდა საპარლამენტო მოდელზე ვისაუბრებთ და უფლებამოსილებებს გავმიჯნავთ, ამის შემდეგ უფრო ნათელი გახდება ჩემთვის არჩევის როგორი წესი იქნება მისაღები“, - განაცხადა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი