უკრაინაში საქართველოს საგანგებო და სრულუფლებიანი ელჩის მიხეილ უკლებას განცხადებით, გია ცერცვაძის დაკავებიდან საელჩო საკონტროლო გამშვები პუნქტის ხელმძღვანელობას მალევე დაუკავშირდა. 

როგორც უკლებამ აღნიშნა, მოგვიანებით მათ საგარეო საქმეთა სამინისტროს შესაბამისი ნოტა გაუგზავნეს.

„იანვარში, როდესაც დააკავეს ჩვენი მოქალაქე გია ცერცვაძე, სადღაც საათ ნახევარში თუ ორ საათში ჩვენ უკვე დავუკავშირდით საკონტროლო გამშვები პუნქტის ხელმძღვანელობას. 16 იანვარს, როდესაც მეუღლემ მიმართა განცხადებით საგარეო საქმეთა სამინისტროს, პარალელურად, 16 იანვარს ჩვენ გავაგზავნეთ შესაბამისი ნოტა საგარეო საქმეთა სამინისტროში და წერილი რაიონულ პოლიციაში, სადაც ჩვენი მოქალაქე დააკავეს. ჩვენ ასევე ადვოკატს ვხვდებოდით“, - განაცხადა უკლებამ.

შეგახსენებთ, რომ ქართველი ვიცე-პოლკოვნიკი გია ცერცვაძე 15 იანვარს, უკრაინაში ჩასვლისთანავე დააკავეს. რუსეთის ფედერაცია სამხედროს, მკვლელობასა და მკვლელობის მცდელობაში ადანაშაულებს და მის ექსტრადირებას ითხოვს. 

ცნობისთვის, გია ცერცვაძეს საქალაქო სასამართლომ წინასწარი პატიმრობა, 40 დღის ვადით შეუფარდა. დღეს, ცერცვაძის სასამართლო პროცესი გაიმართება, რის შემდეგადაც მას სასამართლო დარბაზიდან, სავარაუდოდ გაათავისუფლებენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი