„სამწუხაროდ, დღეს იგივე მიზანი გვამოძრავებს, რაც გვამოძრავებდა 2003 წელს, ისევ გადასარჩენი გვყავს ჩვენი ქვეყანა“, - ამის შესახებ საქართველოს ყოფილმა პრეზიდენტმა მიხეილ სააკაშვილმა თავისუფლების მოედანზე მიმდინარე საპროტესტო აქციაზე ბრიუსელიდან პირდაპირი ჩართვისას განაცხადა.

როგორც ექს-პრეზიდენტმა აღნიშნა, საქართველოს ჰყავს დამანგრეველი მთავრობა, რომელსაც არ შეუძლია აშენება და მხოლოდ ნგრევა შეუძლია.

„2003 წელს, ჩვენ ყველანი დავდექით ერთად იმისათვის, რომ საქართველო გადაგვერჩინა იმ ჯოჯოხეთისგან, რომელშიც იმყოფებოდა მთელი 90-იანი წლები, უძრაობისგან, უპერსპექტივობისგან, ამავე ადგილზე ვიყავით შეკრებილი იმ დიდი მოვლენების წინ. დღეს, ბევრი ახალი ადამიანი შემოგვიერთდა, ახალი თაობა შემოგვემატა, მაგრამ სამწუხაროდ, დღეს იგივე მიზანი გვამოძრავებს, რაც გვამოძრავებდა 2003 წელს, ისევ გადასარჩენი გვყავს ჩვენი ქვეყანა, ისევ საშველი გვყავს ჩვენი ერი, ისევ ამოსაყვანი გვყავს ჭაობიდან და წუმპედან, რომელშიც ხელახლა აღმოვჩნდით, ისევ განვითარების რელსებზე გვჭირდება დაბრუნება, იმიტომ, რომ ჩვენ ამ რელსებიდან ჩამოვედით, ისევ საჭიროა დიდი დაბრკოლებების გადალახვა იმისათვის, რომ ის უბედურება რაც ახლა არის, ყველაფერი უკან მოვიტოვოთ. სამწუხაროდ ახლა ისევ გაგვაერთიანა იმ ამოცანამ, რომ საქართველო გადავარჩინოთ ამ დამანგრეველი მთავრობისგან, რომელსაც უბრალოდ ქრონიკულად არ შეუძლია აშენება და შეუძლია მხოლოდ ნგრევა და რომელმაც დააბრუნა აჩრდილები 90-იანი წლების“, - განაცხადა მიხეილ სააკაშვილმა.

ცნობისთვის, თავისუფლების მოედანზე მთავრობის გადადგომის მოთხოვნით „ნაციონალური მოძრაობის“ აქცია მიმდინარეობს. აქციაზე ათასობით ადამიანია შეკრებილი. ადგილი სამართალდამცველები არიან მობილიზებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი