საქართველოს პარლამენტის ეროვნულ ბიბლიოთეკაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრ დავით ბაქრაძის თავმჯდომარეობით, საქართველოს ნატო-ში ინტეგრაციის სახელმწიფო კომისიის სხდომა გაიმართა, სადაც 2015 წლის წლიური ეროვნული პროგრამა (ANP) დამტკიცდა.

სხდომის მუშაობაში წლიური ეროვნული პროგრამის შემუშავებასა და  განხორციელებაში ჩართული  სახელმწიფო უწყების წარმომადგენლები მონაწილეობდნენ.

სახელმწიფო მინისტრის აპარატის ინფორმაციით, დამტკიცებული დოკუმენტი საქართველოს პრემიერ-მინისტრის ხელმოწერით წარედგინება ნატოს მხარეს, რის შემდეგაც აღნიშნულ დოკუმენტს მიმდინარე წლის აპრილში ბრიუსელში დაგეგმილ ნატო-საქართველოს კომისიის სხდომაზე განიხილავენ.

ცნობისთვის, საქართველო წლიურ ეროვნულ პროგრამას (ANP) 2009 წლიდან ახორციელებს და მას ნატო-ში გაწევრიანების ინსტრუმენტად განიხილავს. დოკუმენტი  იმ მნიშვნელოვან რეფორმებს ასახავს, რაც საქართველოს NATO-ს სტანდარტებთან მაქსიმალურად დაახლოვებას შეუწყობს ხელს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს