ერევანში, პოლიციის განყოფილებაში გამაგრებულმა შეიარაღებულმა ჯგუფმა ყველა მძევალი გაათავისუფლა, - ამის შესახებ "რია-ნოვოსტი" იუწყება.

როგორც მედია საშუალება წერს, გათავისუფლებული არიან სომხეთის პოლიციის უფროსის მოადგილე ვარდან ეღიზარიანი და ერევნის პოლიციის უფროსის მოადგილე ვალერი ოსიფიანი.

ცნობისთვის, მოლაპარაკებების შედეგად დღეს დილით კიდევ 2 პოლიციელი გაათავისუფლეს.

შეგახსენებთ, რომ თავდამსხმელებმა ერევანში, ერეუბნის რაიონში მდებარე პოლიციის შენობა რამდენიმე დღის წინ შტურმით აიღეს და იმ მყოფები მძევლად აიყვანეს.

ასევე, თავდამსხმელები, ერებუნის რაიონის ტერიტორიაზე 24 საათიანი პრეს-ცენტრის გახსნას ითხოვდნენ.

მთავარი მოთხოვნა კი, ჟირაირ სეფილიანის გათავისუფლება და პრეზიდენტისა და მთავრობის გადადგომა იყო.

18 ივლისიდან, პოლიციის განყოფილების შენობის მიმდებარედ შეიარაღებული ჯგუფის მხარდამჭერები აქციებს მართავენ. სამართალდამცველებმა დემონსტრანტები რამდენჯერმე დაარბიეს და ათობით აქტივისტი დააკავეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო