„ქართულმა ოცნებამ ფაქტობრივად საქართველოს ინფრასტრუქტურა ჩინეთის კომუნისტურ პარტიას გადასცა“, - განაცხადა ჯო უილსონმა აშშ-ის ჰელსინკის კომისიის მოსმენაზე. სიტყვით გამოსვლისას ამერიკელმა პოლიტიკოსმა ევროპულ ქვეყნებს მოუწოდა, ჩინეთის მხრიდან წარმოქმნილი საფრთხის წინაშე ფხიზლად და პრინციპულად ემოქმედათ.

„დიქტატორების მიერ გამოყენებული ტაქტიკა სულ უფრო მსგავსი, სულ უფრო დახვეწილი და საგანგაშო ხდება, რადგან მათ ტექნოლოგიები და ინოვაციები უჭერს მხარს. ეს ტაქტიკა სრული ძალით ხორციელდება საქართველოში...

ქართველი ხალხი თავისუფლებას და კეთილდღეობას ითხოვს და არა ჩინური დიპლომატიისა და რუსული ოლიგარქიის სასიკვდილო ხაფანგს. ბიძინა ივანიშვილისა და მისი „ქართული ოცნების“ პარტიის დიქტატურამ თითქმის ყველა ოპოზიციური ლიდერი დააპატიმრა და უგულებელყო ქართველი ხალხი, რომელსაც თავისუფლება და კეთილდღეობა სურს და არა ჩინური „ვალის ხაფანგის დიპლომატია“ და რუსული ოლიგარქია.

პრეზიდენტმა დონალდ ტრამპმა სამართლიანად მიანიჭა პრიორიტეტი ცენტრალურ აზიასა და შუა დერეფანს ჩვენი მიწოდების ჯაჭვების უზრუნველსაყოფად და დივერსიფიკაციისთვის. „ქართულმა ოცნებამ“ ფაქტობრივად საქართველოს ინფრასტრუქტურა ჩინეთის კომუნისტურ პარტიას გადასცა და ქვეყანა ვალის მონობაში გაყიდა. ამერიკის წვდომას შუა დერეფანზე ეფექტურად აკონტროლებს ჩინეთის კომუნისტური პარტია“, - განაცხადა რესპუბლიკელმა კონგრესმენმა.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა