ემანუელ მაკრონის პარტიის წევრმა, დეპუტატმა კონსტანს ლოგრიპმა საფრანგეთის ეროვნული ასამბლეის ევროპის საკითხთა კომიტეტზე საქართველოს შესახებ ისაუბრა. 

მისი თქმით, 2024 წლის ოქტომბრის არჩევნების შემდეგ ქვეყანა ისეთ ტრაექტორიაში შევიდა, რომელიც მას ძალიან შემაშფოთებელი გზით აშორებს ევროპულ დემოკრატიულ ღირებულებებს.

ფრანგმა დიპლომატმა აღნიშნა, რომ უწყვეტი პროტესტის მონაწილეები სულ უფრო მკაცრ რეპრესიებს განიცდიან. 

ქალბატონი მზია ამაღლობელი ერთ-ერთი გმირია, იმ ისტორიისა, რომლის დაწერასაც დღეს ვაპირებთ. დღეს, ვითვლით ქართველების შეუპოვარი ბრძოლის 360-ზე მეტ დღეს საქართველოს უმეტესი ქალაქების ქუჩებში მთავრობის წინააღმდეგ და მე ვფიქრობ ყველა მამაც დემონსტრანტზე, რომლებიც სულ უფრო მკაცრ რეპრესიებს განიცდიან. მართლაც, 2024 წლის ოქტომბრის არჩევნების შემდეგ, რომელიც საეჭვო და სადავო იყო, საქართველო შევიდა ისეთ ტრაექტორიაში, რომელიც მას ძალიან შემაშფოთებელი გზით აშორებს ევროპულ დემოკრატიულ ღირებულებებს...

საქართველოში ცენტრალური ფიგურა არის ოლიგარქი, რომელიც ხელისუფლების უკან დგას, ბატონი ბიძინა ივანიშვილი, რომელსაც არ აქვს არანაირი თანამდებობა. ისაა უაღრესად გავლენიანი ოლიგარქი და გადამწყვეტი პოლიტიკური მოთამაშე. ეს ცენტრალური ფიგურა განსაკუთრებულ როლს ასრულებს ამ კრიზისში, რადგან ახლოს არის კრემლის ინტერესებთან," - განაცხადა კონსტანს ლოგრიპმა. 

ცნობისთვის, საფრანგეთის ეროვნული ასამბლეის ევროპის საკითხთა კომიტეტზე საქართველოს შესახებ კრიტიკული რეზოლუცია მიიღეს. 

ავტორი: ექსპრესნიუსი,

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ