საქართველოს ტექნიკური უნივერსიტეტი საქართველოს უნივერსიტეტის წინააღმდეგ გენერალურ პროკურატურას მიმართავს. კერძოდ, ტექნიკური უნივერსიტეტის რექტორის დავით გურგენიძის მტკიცებით, საქართველოს უნივერსიტეტის ტერიტორია მიხეილ სააკაშვილის ოჯახმა "მიიტაცა".

ამ საკითხთან დაკავშირებით ოცნების პრემიერმინისტრმა ირაკლი კობახიძემ დღეს განცხადება გააკეთა და საქართველოს უნივერსიტეტის ინფრასტრუქტურის საკითხის შესწავლა დააანონსა. 

"წინა ხელისუფლების დროს საქართველოს ტექნიკური უნივერსიტეტის ქონების უდიდესი ნაწილი მიტაცებული იქნა ყოფილი პრეზიდენტის ოჯახის მიერ და არის ეჭვი იმისა, რომ სავარაუდოდ, იყო სისხლის სამართლის დანაშაული. ამიტომ ჩვენმა უნივერსიტეტმა, პირადად მე, უნივერსიტეტის კანცლერმა და კოლეგიალურმა ორგანოებმა ვიმსჯელეთ და გადავწყვიტეთ, რომ მიგვემართა საქართველოს გენერალური პროკურატურისადმი. საქართველოს ტექნიკურ უნივერსიტეტს არც ერთი კაპიკი არ მიუღია. მან გადაიხადა თუ არა საქართველოს ბიუჯეტში, ეს უკვე პროკურატურის მოკვლევის საგანია. ისტორიულად ტექნიკური უნივერსიტეტის ტერიტორიაა"- თქვა გურგენიძემ.

ქართული ოცნების მხრიდან ტექნიკური უნივერსიტეტისთვის მიწების მიტაცებაზე საუბარი აქამდეც ყოფილა. ამ საკითხზე 2023 წლის 14 მარტს UG-მა ირაკლი კობახიძისა და ირაკლი ღარიბაშვილის წინააღმდეგ დავა დაიწყო.

უნივერსიტეტს განმარტებული აქვს, რომ 1 ლარად უნივერსიტეტის ტერიტორიის გადაცემაზე აგებული კამპანია სიცრუეა. უნივერსიტეტის რექტორის, კოკა თოფურიას თქმით, უნივერსიტეტი აუქციონზე 4 მილიონ დოლარად შეიძინეს.

ავტორი: ექსპრესნიუსი,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს