მთავრობის ადმინისტრაციაში,ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე შვედეთის სამეფოს საგარეო საქმეთა სამინისტროს განვითარების პოლიტიკის ხელმძღვანელს  სესილია ბიორნერს, კრისტიან ლინდვალსა და შვედეთის საერთაშორისო განვითარების სააგენტოს (SIDA) წარმომადგენელს ევა გიბსონ სმედბერგს შეხვდა.
შეხვედრაზე დავით ბაქრაძემა სოცირების დღის წესრიგის შესრულებისადა ასოცირების შეთანხმებით გათვალისწინებული რეფორმების განხორციელების მნიშვნელობაზე და ამ მხრივ არსებულ გამოწვევებზე ისაუბრა.
სახელმწიფო მინისტრმა ღრმა და ყოვლისმომცველი თავისუფალი სავაჭრო სივრცის ამოქმედების შედეგად ევროპულ ბაზარზექართული ექსპორტის ზრდაზე გაამახვილა ყურადღება და დადებითად შეაფასა საქართველოს ევროკავშირთან ვიზის ლიბერალიზაციის პროცესის დასრულება. ასევე, ხაზი გაუსვა, როგორც ზოგადად ევროკავშირის და მისი წევრი ქვეყნების საქართველოს მიმართ დახმარების მნიშვნელობას, ასევე, კონკრეტულად შვედეთის უმნიშვნელოვანეს წვლილს საქართველოში წარმატებული რეფორმების განხორციელებაში და სამომავლო თანამშრომლობის გაღრმავების იმედიგამოთქვა.
სესილია ბიორნერმა შვედეთისა და საქართველოს ორმხრივ ურთიერთობებზე, საქართველოს ევროპული ინტეგრაციის პერსპექტივაზე ისაუბრა და აღნიშნა, რომ შვედეთი მტკიცედ განაგრძობს საქართველოს მხარდაჭერას.
დავით ბაქრაძემ განსაკუთრებით აღნიშნა რეფორმების განხორციელების პროცესში სამოქალაქო საზოგადოების ჩართულობის როლის კიდევ უფრო გაზრდის აუცილებლობა. გარდა ამისა, მინისტრმა ხაზი გაუსვა  სტრატეგიული კომუნიკაციის მნიშვნელობას, რომელიც მიმართულია საზოგადოებისათვის რეფორმების შესახებ ინფორმაციის მიწოდებაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს