ხერსონის ოლქის სამხედრო ადმინისტრაციის ხელმძღვანელის, რომან მროჩკოს თქმით, რუსეთის არმიამ 9 იანვარს ქალაქ ხერსონს სამი მართვადი საჰაერო ბომბი ესროლა.

რადიო თავისუფლების უკრაინული სამსახური მროჩკოზე დაყრდნობით წერს, რომ ავიადარტყმამ დაანგრია საცხოვრებელი სახლი და დააზიანა საბავშვო ბაღი, რომელსაც ცეცხლი გაუჩნდა. დაახლოებით ათი ადამიანი დაიჭრა.

მოგვიანებით ხერსონის სამხარეო-სამხედრო ადმინისტრაციის ხელმძღვანელმა ალექსანდრე პროკუდინმა განაცხადა, რომ 9 იანვრის ღამეს და დილით რუსეთის არმიის საავიაციო დაბომბვის შედეგად ოთხი ადამიანი დაიღუპა და კიდევ ათი დაიჭრა.

მისივე თქმით, დაზიანდა ორი მაღლივი კორპუსი და ოთხი კერძო სახლი.

რუსეთის სამხედრო და ადმინისტრაციული ხელისუფლება უარყოფს უკრაინის ტერიტორიაზე სამოქალაქო ობიექტების დაბომბვას.

უკრაინის ხელისუფლება და საერთაშორისო ორგანიზაციები ასეთ იერიშებს ომის დანაშაულებად აფასებენ და ხაზს უსვამენ, რომ რუსეთი განურჩევლად იღებს მიზანში როგორც სამხედრო, ისე სამოქალაქო ობიექტებს.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი