2015-02-11 10:11:38, 433 ნახვა

---

"ნაციონალური მოძრაობა" პროკურატურას მერიის კეთილმოწყობის სამსახურში არსებულ დარღვევებზე მასალებს მიაწვდის

თბილისის საკრებულოს ფრაქცია „ნაციონალური მოძრაობის“ წევრები მერიის კეთილმოწყობის სამსახურში გამოვლენილ კორუფციულ ფაქტებზე რეაგირებას მოთხოვნით მთავარ პროკურატურას მიმართავენ.
საკრებულოს ფრაქცია "ნაციონალური მოძრაობა - თბილისის" თავმჯდომარის, ირაკლი აბესაძის თქმით, დასადგენია, როგორ გაიხარჯა საგზაო სამუშაოებისთვის გამოყოფილი 5 მილიონამდე ლარი, რომელიც ორ კომპანიაზე გადანაწილდა.
მისივე ინფორმაციით, საბიუჯეტო თანხის მითვისების და გაფლანგვის ფაქტები გამოვლინდა.
„გვსურს დღეს ვისაუბროთ კონკრეტულ შემთხვევებზე, რომელიც უკავშირდება 2 კომპანიას, რომელთანაც გაფორმდა დაახლოებით 5 მილიონი ლარის სამუშაოებზე ხელშეკრულებები და როგორ მიმდინარეობს ეს საგზაო სამუშაოები, რამდენად ხარისხიანად, ასევე როგორ ხდება საბიუჯეტო სახსრების გაფლანგვა და ძალიან დიდი ეჭვია ასევე, რომ ხდება ამ თანხების მითვისება,“ - განაცხადა ირაკლი აბესაძემ.
„ნაციონალური მოძრაობის“ წევრები პროკურატურას აღნიშნულ მასალებს დღეს, მიაწვდიან.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი