ისრაელში საქართველოს დამოუკიდებლობის დღესთან დაკავშირებით "ბათუმის დღეები" იმართება.

აჭარის ტურიზმისა და კურორტების დეპარტამენტის ცნობით, ორი დღის განმავლობაში, ღონისძიების სტუმრებს საშუალება აქვთ, ქართულ ფოლკლორულ შოუს დაესწრონ, სადაც ქართული დეკორაციებით გაფორმებულ ულამაზეს სივრცეში აჭარული ხაჭაპურის, ხინკლისა და ჩურჩხელის მომზადების მასტერკლასები და დეგუსტაციები მიმდინარეობს. 

"ღონისძიებაზე გამოფენილია აჭარის ეთნოგრაფიული კუთხე, სადაც გარდა აჭარის საყოფაცხოვრებო ნივთების გაცნობისა, სტუმრებს ქსოვისა და ქარგვის მასტერკლასებში ჩართვის საშუალება აქვთ.

"ბათუმის დღეები"-ს ფარგლებში ქართული სიმღერასა და ცეკვას ანსამბლი "ბათუმი", ცეკვის აკადემიური ანსამბლი "ხორუმი", ისრაელში არსებული ცეკვის ანსამბლი "ფესვები" და ბათუმის სახელმწიფო მუსიკალური ცენტრის სიმფონიური ორკესტრი წარმოადგენს.

კონცერტში მონაწილეობენ სოლო შემსრულებლები არჩილ გოგიტიძე, ბაჩო ნაკაშიძე, სულხან ჯაიანი, სოფო ხალვაში, ხათუნა დონდუა და მორის მელაძე.

"ბათუმის დღეები" იერუსალიმში აჭარის ტურიზმის დეპარტამენტის, საქართველოს საელჩოს ისრაელში, აჭარის განათლების, კულტურისა და სპორტის სამინისტროსა და ბათუმის მერიის ორგანიზებით იმართება.

მისი მიზანი ისრაელში აჭარისა და ზოგადად, საქართველოს პოპულარიზაციაა. ჯამში ღონისძიებებს 2000-ზე მეტი ადამიანი ესწრება",- ნათქვამია აჭარის ტურიზმისა და კურორტების დეპარტამენტის ინფორმაციაში.

ავტორი: NS (სტატია დაფინანსებულია),

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო