ბრიტანული სამხედრო დაზვერვის ახალი დილის მოხსენების შესაბამისად მარიუპოლის ალყა ძვირად უჯდება რუსეთს, - ამის შესახებ დიდი ბრიტანეთის თავდაცვის სამინისტროს უკრაინაში არსებული ვითარების შესახებ გავრცელებულ ინფორმაციაში წერია. ამჯერად ის ეძღვნება რუსული ჯარების მცდელობებს, დაიკავონ მარიუპოლის დამცველთა ბოლო დასაყრდენი - აზოვსტალის მეტალურგიული ქარხანა.

ბრიტანული დაზვერვის ინფორმაციის თანახმად, აზოვსტალზე თავდასხმა ზედიზედ მეორე დღეა გრძელდება, მიუხედავად რუსეთის განცხადებებისა, რომ ისინი მხოლოდ მის დაბლოკვას აპირებენ (იგულისხმება პუტინის განცხადება 21 აპრილს).
რუსეთის განახლებული მცდელობები აზოვსტალის ხელში ჩაგდებისა და მარიუპოლის დაპყრობის დასასრულებლად, სავარაუდოდ, დაკავშირებულია მომავალ 9 მაისს გამარჯვების დღესთან და პუტინის სურვილთან უკრაინაში სიმბოლური წარმატებისკენ, წერს ბრიტანეთის სამხედრო დაზვერვა.
ამ ძალისხმევას თან ახლავს დანაკარგები - პერსონალი, აღჭურვილობა და საბრძოლო მასალა. სანამ უკრაინული წინააღმდეგობა აზოვსტალში გაგრძელდება, ეს რუსი მსხვერპლი გაგრძელდება და ამით ჩაშლის ოპერაციულ გეგმებს დონბასის სამხრეთში, - აღნიშნავს ბრიტანეთის სამხედრო დაზვერვა.

ავტორი: ექსპრესნიუსი,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს