ფინეთი და შვედეთი აპირებენ ერთობლივად გამოაცხადონ ნატოში გაწევრიანების განზრახვა მაისში, - ამის შესახებ წერს ორი გაზეთი, ფინური ტაბლოიდი Iltalehti და შვედური ტაბლოიდი Expressen მთავრობების ანონიმურ წყაროებზე დაყრდნობით.

ორივე გაზეთის ცნობით, შვედეთისა და ფინეთის პრემიერ-მინისტრები 16-22 მაისის კვირაში გეგმავენ შეხვედრას და ოფიციალურად გამოაცხადონ თავიანთი ქვეყნების ნატოში გაწევრიანების სურვილი.

ორივე ქვეყნის მთავრობა ამ პუბლიკაციებზე კომენტარის გაკეთებაზე ჯერჯერობით უარს ამბობდა.

ფინეთი და შვედეთი წლების განმავლობაში ძალიან მჭიდროდ თანამშრომლობდნენ ნატოსთან, მაგრამ უკრაინაზე რუსეთის თავდასხმამდე მათ არ სურდათ ალიანსში ოფიციალურად გაწევრიანება. ომის დაწყების შემდეგ, თუმცა, ორივე ქვეყანაში გაწევრიანების მომხრეთა რიცხვი მკვეთრად გაიზარდა და ახლა ნატოს მხარს უჭერს ორივე ქვეყნის მოქალაქეების უმრავლესობა.

თუ შვედეთი და ფინეთი ოფიციალურად გამოაცხადებენ ალიანსში გაწევრიანების სურვილს მაისში, მაშინ მათი კანდიდატურების შესახებ გარკვეული ოფიციალური გადაწყვეტილება შესაძლოა მიღებულ იქნეს ნატოს მომდევნო სამიტზე მადრიდში ივნისის ბოლოს.

სამხედრო ექსპერტები ამბობენ, რომ შვედეთისა და ფინეთის მიღება ძალიან სწრაფად შეიძლება.

ავტორი: ექსპრესნიუსი,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს