2015-09-28 19:55:36, 747 ნახვა
სამართალი
შსს: 27 სექტემბერს გავრცელებულ ვიდეო მასალასთან დაკავშირებით სამსახურებრივი შემოწმება დაიწყო
შინაგან საქმეთა სამინისტრო 27 სექტემბერს გავრცელებულ კადრებთან დაკავშირებით განცხადებას ავრცელებს.
როგორც შსს-ს განცხადებაშია აღნიშნული, გავრცელებულ ვიდეომასალასთან დაკავშირებით სამსახურებრივი შემოწმება უკვე დაიწყო.
„2015 წლის 28 სექტემბერს შინაგან საქმეთა სამინისტროს გენერალურმა ინსპექციამ მასობრივი ინფორმაციის საშუალებებით 27 სექტემბერს გავრცელებულ ვიდეომასალასთან დაკავშირებით სამსახურებრივი შემოწმება დაიწყო. იმ შემთხვევაში, თუ შემოწმების შედეგად დადგინდება რაიმე სახის გადაცდომა, გენერალური ინსპექცია შესაბამის რეაგირებას მოახდენს“,-ნათქვამია შსს-ს განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
