დამოუკიდებელი ექსპერტის ზაზა ალთუნაშვილის ინფორმაციით,  ის ასაფეთქებელი მოწყობილობა, რომელმაც იური ვაზაგაშვილის სიცოცხლე ემსხვერპლა,  არა კუსტარულად დამზადებული, არამედ ქარხნული წარმოების იყო.

კერძოდ, ალთუნაშვილის განმარტებით, იური ვაზაგაშვილი საბრძოლო დანიშნულების ყუმბარის აფეთქების შედეგად დაიღუპა.

"ჩვენს მიერ ჩატარებული იქნა ძალიან ბევრი სამუშაო. ამოვიღეთ ნივთიერ მტკიცებულებები, რომელთა შეფასებები მთლიანობაში მოგვცემს საშუალებას დავადგინოთ, თუ რა გარემოებებში და რა ვითარებაში მოხდა აფეთქება. ფაქტობრივად,  დადგენილია იმ ასაფეთქებელი მოწყობილობის სახეობა,  ზუსტდება, თუ რა მოდელზეა საუბარი.ეს არის საბრძოლო დანიშნულების ასაფეთქებელი მოწყობილობა",-განაცხადა ზაზა ალთუნაშვილმა "რუსთავი2"-თან საუბრისას.

შეგახსენებთ, კასპის რაიონის სოფელ ყარაფილაში იური ვაზაგაშვილი შვილის, ზურაბ ვაზაგაშვილის, საფლავზე გარდაცვლილი იპოვეს. წინასწარი ინფორმაციით, ის ააფეთქეს.  ყარაფილას სასაფლაოზე სამართალდამცავები მთელი ღამის განმავლობაში იმყოფებოდნენ. ადგილზე ამ დროისთვისაც მობილიზებული არიან ექსპერტ კრიმინალისტები და საგამოძიებო მოქმედებები მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება