ესტონეთის პრემიერ-მინისტრ ტაავი რიივასის ორდღიანი ოფიციალური ვიზიტი საქართველოში დაიწყო.

მთავრობის ადმინისტრაციაში დახვედრის ოფიციალური ცერემონია გაიმართა.

ესტონელ კოლეგას საქართველოს პრემიერ-მინისტრმა ირაკლი ღარიბაშვილმა უმასპინძლა. შესრულდა ორი ქვეყნის სახელმწიფო ჰიმნები.

ირაკლი ღარიბაშვილისა და ტაავი რიივასის პირისპირ შეხვედრის მთავარი თემები ორი ქვეყნის მრავალმხრივი ურთიერთობების საკითხები, საქართველოს ევროკავშირთან ინტეგრაციის პროცესები და ოკუპირებულ რეგიონებში არსებული მდგომარეობა იყო.

საქართველოს მთავრობის მეთაურმა მადლობა გადაუხადა ესტონელ კოლეგას თბილისში ვიზიტისთვის, რაც საქართველოს მიმართ გამოხატულ მხარდაჭერად შეაფასა.

შეხვედრაზე განსაკუთრებული ყურადღება გამახვილდა ეკონომიკური და სავაჭრო ურთიერთობების განვითარების პერსპექტივებზე.

ტაავი რიივასი და ირაკლი ღარიბაშვილი მედიისთვის ერთობლივ განცხადებებს გააკეთებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება