„უახლოეს თვეებში საქართველოს ბიუჯეტიდან ლარის კურსზე უარყოფითი დაწოლა არ იქნება“, – ამის შესახებ ფინანსთა მინისტრმა ნოდარ ხადურმა განაცხადა.
მისივე შეფასებით, დოლართან მიმართებაში ლარის გაუფასურება მსოფლიო ტენდენციის შედეგია.
 „მიუხედავად იმისა, რომ ბოლო პერიოდში გარკვეული რყევები იყო, მაინც უნდა აღინიშნოს, რომ ეს არის ის ტენდენცია, რომელიც მსოფლიოშია. ეროვნულმა ბანკმა გადაწყვიტა, რომ უფრო აქტიური იყოს, ეს მისი ექსკლუზიური უფლებაა.  მე მინდა, ერთი რამ ვთქვა, არც დეკემბერ–იანვარში და არც უახლოეს თვეებში, საქართველოს ბიუჯეტიდან ლარის კურსზე უარყოფითი დაწოლა არ იქნება“, – აღნიშნა ხადურმა.
რაც შეეხება ეკონომიკური ზრდის მაჩვენებლის პროგნოზს,ხადურის თქმით,  ამასთან დაკავშირებით  ფინანსთა სამინისტრო ეროვნულ ბანკთან, ეკონომიკის სამინისტროსთან, საერთაშორისო საფინანსო ორგანოებთან კონსულტაციებს გააგრძელებს.
„ვაკვირდებით ყველა იმ მდგენელს, რომელიც განსაზღვრავს ეკონომიკურ ზრდას, მათ შორის ეს არის ეკონომიკური მდგომარეობა  რეგიონში.  ყველა ქვეყანამ  ეკონომიკური ზრდის პროგნოზი გააუარესა.  თუმცა, წლის დასაწყისიდან ჯერ 1 თვეც არ არის გასული და  არ გვაქვს შესაბამისი ინფორმაცია. მაგრამ,  ჩვენ გავაგრძელებთ კონსულტაციებს ეროვნულ ბანკთან, ეკონომიკის სამინისტროსთან, საერთაშორისო საფინანსო ორგანოებთან, იმასთან დაკავშირებით, რომ საჭიროების შემთხვევაში დავაზუსტოთ ზრდის პროგნოზი“, – განაცხადა ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთში ხმის მიცემა შეწყდა, ამომრჩეველთა აქტივობა 77.80% იყო, რაც აბსოლუტური რეკორდია ქვეყნის ისტორიაში

სააღდგომო ზავი“ - როგორ არღვევენ და იყენებენ მას რუსები - Deep State

ტრამპმა განაცხადა, რომ აშშ ჰორმუზის სრუტეს გადაკეტავს

უნგრეთში არჩევნებზე მაღალი აქტივობა შენარჩუნებულია: ამომრჩეველთა თითქმის 42%-მა უკვე მისცა ხმა.