საქართველოს საგარეო საქმეთა მინისტრი თამარ ბერუჩაშვილი სოფელ ქარქუსაანიდან 42 წლის მამაკაცის გატაცების ფაქტს გამოემხაურა. როგორც ბერუჩაშვილმა ჟურნალისტებს განუცხადა, მომხდართან დაკავშირებით ინფორმაცია არ აქვს, თუმცა ფაქტს გმობს და ადამიანის უფლებების უხეშ დარღვევაზე საუბრობს.

"გატაცება  აბსოლუტურად მიუღებელია; ეს არის სრული დარღვევა როგორც ადამიანის უფლებების, ასევე ყველა შეთანხმების, რომელიც საქართველოს რუსეთთან  აქვს გაფორმებული",-განაცხადა თამარ ბერუჩაშვილმა.

მისივე თქმით, გახშირებული გატაცებები არის ის სირთულე, რასაც კონფლიქტის ზონაში მცხოვრები საქართველოს მოსახლეობა ხშირად აწყდება.

"ეს არის ის სამწუხარო რეალობა, რომელსაც აწყდება მოსახლეობა. ეს არის ის თემა, რომელსაც ქართული დიპლომატია რეგულარულად აყენებს ყველა საერთაშორისო ფორმატზე",-განმარტა ბერუჩაშვილმა.

შეგახსენებთ,  გრემისხევის თემის სოფელ ქარქუსაანის სასაფლაოდან 42 წლის მამაკაცი გაიტაცეს. ის სიდედრის დაკრძალვაზე იმყოფებოდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება

ბაზისბანკმა ლიბერთი ბანკის შეძენა წარმატებით დაასრულა