სახელმწიფო უსაფრთხოების სამსახურის [სუს] მიერ დაწყებული გამოძიების ფარგლებში, თბილისის საქალაქო სასამართლოში, მაგისტრატ მოსამართლესთან პოზიციონერი პოლიტიკოსი, გუბაზ სანიკიძე გამოიკითხა. 

გამოკითხვის დასრულებსი შემდეგ სანიკიძემ განაცხადა, რომ სუს-ის ყველა შეკითხვას გასცა პასუხი.  

"შეკითხვები ჰქონდათ ჩემს გამოსვლასთან დაკავშირებით და არ დავმალავ, მეც მქონდა მათთან შეკითხვები - მე ყველა შეკითხვას გავეცი პასუხი, მათ ჩემს შეკითხვებს პასუხი ვერ გასცეს" - განაცხადა გუბაზ სანიკიძემ.

ადვოკატის ბექა ბასილაიას განცხადებით, გამოკითხვა გუბაზ სანიკიძის სატელევიზიო ეთერს შეეხებოდა - "ამ ეთერთან დაკავშირებით, სანიკიძემ [სუს-ს] დეტალურად აუხსნა ყველაფერი, რაც იმ ეთერში მოისმინა საზოგადოებამ".

"აბსოლუტურად ყველა დასმულ შეკითხვას გაეცა ამომწურავი და დეტალური პასუხი, მათ შორის, იყო ისეთი მნიშვნელობის  საკითხები, რაც თვითონ სუს-ს, თუ ნამდვილად აქვს ეროვნული უსაფრთხოების დაცვის ინტერესი, ძალიან გამოადგება". - თქვა ბასილაიამ.

სახელმწიფო უსაფრთხოების სამსახურმა გამოკითხვაზე ოპოზიციონერი პოლიტიკოსი, გუბაზ სანიკიძე, თავდაცვის ყოფილი მინისტრი, თინა ხიდაშელი, საბჭოთა წარსულის კვლევის ლაბორატორიის პროექტების მენეჯერი, გიორგი კანდელაკი და გივი თარგამაძე 7 მარტს დაიბარა.

ავტორი: ექსპრესნიუსი,

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება