ახალმა პაპმა, ლეო XIV-მ, კვირას, 11 მაისს, ვატიკანში, წმინდა პეტრეს ბაზილიკის ცენტრალური ლოჯიდან, მორწმუნეებს პირველად მიმართა პატივცემული ლოცვით რეგინა კაელი - „ზეცის დედოფალი“.

თავის პირველ მიმართვაში პაპმა მსოფლიოს წამყვან ძალებს მოუწოდა, აღარ დაუშვან ომები. ლეო XIV ასევე საუბრობდა რუსეთსა და უკრაინას შორის ნამდვილი და მდგრადი მშვიდობის, ღაზას სექტორში ცეცხლის შეწყვეტისა და იქ მყოფი ყველა ისრაელელი მძევლის გათავისუფლების აუცილებლობაზე.

რომის პაპმა მიესალმა ინდოეთსა და პაკისტანს შორის ბოლო დროს მიღწეულ ცეცხლის შეწყვეტის შეთანხმებას და განაცხადა, რომ ღმერთს ევედრება, რომ „მშვიდობის სასწაული“ მოახდინოს.

ლეო XIV - კარდინალი რობერტ პრევოსტი - პაპად 8 მაისს აირჩიეს. ის გახდა პირველი ამერიკელი, რომელიც რომის კათოლიკურ ეკლესიას ხელმძღვანელობდა.

წმინდა საყდრის პრესსამსახურის ცნობით, რომის პაპის ინტრონიზაციის საზეიმო წირვა 18 მაისს, ხოლო პირველი საყოველთაო აუდიენცია 21 მაისს გაიმართება.

ლეო XIV-ის წინამორბედი, პაპი ფრანცისკე, 21 აპრილს, 89 წლის ასაკში გარდაიცვალა. ის ეკლესიას 2013 წლიდან ხელმძღვანელობდა. დაკრძალვა 26 აპრილს გაიმართა და პაპი, მისი ანდერძის თანახმად, რომში, სანტა მარია მაჯორეს ბაზილიკაში დაკრძალეს.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო