საქართველოს სახალხო დამცველის აპარატის გენდერული თანასწორობის დეპარტამენტის ორგანიზებით, რეგიონულ დეპარტამენტთან ერთად,  ქვემო ქართლის რეგიონის სოფელ საბირქენდისა და თაქალოს საჯარო სკოლებში ორი საინფორმაციო შეხვედრა ჩატარდა.

შეხვედრას სკოლის მოსწავლეები და მასწავლებლები ესწრებოდნენ.

ომბუდსმენის აპარატის ინფორმაციით, საინფორმაციო შეხვედრების მიზანი იყო ადგილობრივი მოსწავლეების ცნობიერების ამაღლება ადრეულ ასაკში ქორწინების თემაზე, რეგიონში ადრეულ ასაკში ქორწინების პრაქტიკის შესახებ ინფორმაციის მოძიება და მათი გადაჭრის გზებზე მსჯელობა.

„შეხვედრაზე განხილული იყო ადრეულ ასაკში ქორწინების ფორმები, თანმდევი რისკები და გამომწვევი მიზეზები.  მონაწილეებს მიეწოდათ ინფორმაცია საკანონმდებლო ცვლილებებისა და ქვეყანაში არსებული სერვისების შესახებ. მათთვის ძალიან საინტერესო აღმოჩნდა ადრეული ქორწინების შემთხვევებისა და არასრულწლოვანი მშობლების სტატისტიკა.

განსაკუთრებულად უნდა გავუსვათ ხაზი დისკუსიაში მოსწავლეების აქტიურ ჩართულობასა და თემით დაინტერესებას.   შეხვედრაზე გაიხსენეს არაერთი ადრეული ქორწინების შემთხვევა და  ხაზი გაუსვეს იძულებითი ქორწინების პრაქტიკას. როგორც მოსწავლეებმა, ასევე, სკოლის მასწავლებლებმა სურვილი გამოთქვეს საქართველოს სახალხო დამცველის წარმომადგენლებს ჩაეტარებინათ მსგავსი საინფორმაციო შეხვედრები მშობლებისთვის, რადგან ძირითადად მშობლები არიან ადრეული ქორწინების ინიციატორები.

სახალხო დამცველის აპარატის გენდერული თანასწორობის დეპარტამენტი, კვლავ აგრძელებს საქართველოს სხვადასხვა რეგიონში საინფორმაციო შეხვედრების ციკლს ქალთა მიმართ ძალადობისა და ადრეულ ასაკში ქორწინების შესახებ ცნობიერების ამაღლების და პრევენციის მიზნით“, - ნათქვამია სახალხო დამცველის აპარატის ინფორმაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო