2017-03-29 18:06:52, 829 ნახვა
რეგიონი
ახალქალაქში პატრულის თანამშრომელსა და მოქალაქეს შორის დაპირისპირება მოხდა
ახალქალაქში პატრულის თანამშრომელსა და ავტომობილის მძღოლს შორის დაპირისპირება მოხდა.
ადგილობრივი ინტერნეტ-გამოცემა jnews-ის ინფორმაციით, სიტყვიერი დაპირისპირება პატრულის ოფიცერსა და მოქალაქეს შორის ჯარიმის გამო დაიწყო.
გამოცემის ცნობით, საპატრულო ეკიპაჟმა მოქალაქეს ჯარიმა იმის გამო გამოუწერა, რომ მას ღვედი არ ეკეთა, თუმცა საპირისპიროს ამტკიცებდა მსუბუქი ავტომობილის მძღოლი. შელაპარაკების დროს ქუჩაზე ხალხმა დაიწყო შეკრება, რამაც ავტომობილების მოძრაობა შეაფერხა.
დაჯარიმებული მოქალაქე საპატრულო მანქანის ვიდეოთვალის ჩანაწერის ნახვას ითხოვს და მზადაა მისი დანაშაულის გამოვლენის შემთხვევაში ჯარიმა გადაიხადოს.
ამ დროისთვის ადგილზე სიმშვიდეა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
