აჭარის მთავრობის თავმჯდომარე არჩილ ხაბაძე ინდოეთის საგანგებო და სრულუფლებიან ელჩს საქართველოსა და სომხეთში დოქტორ სურეშ ბაბუს შეხვდა.

აჭარის მთავრობის ინფორმაციით, გაცნობითი ხასიათის შეხვედრაზე საუბარი უმსხვილესი  ინდური კომპანია „TATA-GRUP“ -ის მიერ აჭარაში ჰიდროელექტროსადგურების მშენებლობაში ჩდებულ  ინვესტიციებს, ასევე ბიზნეს-გარემოს, რეგიონში მიმდინარე პოლიტიკურ და კულტურულ  ვითარებასაც შეეხო.

ინდოეთის ელჩის დოქტორ სურეშ ბაბუს განცხადებით, უახლოეს მომავალში შესაძლებელია მისი ძალისხმევით, აჭარაში ინდური ჩაის მრეწველობის მსხვილი მეწარმეების დელეგაცია ჩამოვიდეს და ამ დარგის განვითარების პერსპექტივები განიხილონ.

ცნობისთვის, სურეშ ბაბუ დიპლომატიურ  საქმიანობას 1988 წლიდან ეწევა. პროფესიით ისტორიის მეცნიერებათა დოქტორი ინდოეთის ელჩის თანამდებობაზე სომხეთში (რეზიდენცია ქ. ერევანი)  2013 წლის თებერვალში დაინიშნა. მანამდე კი მუშაობდა საგარეო საქმეთა სამინისტროში სხვადასხვა თანამდებობებზე ქ. დელიში (ინდოეთი) და იკავებდა დიპლომატიურ თანამდებობებს ინდოეთის მისიებში ოდესაში, მოსკოვსა და მინსკში. მსახურობდა როგორც რეგიონული პასპორტის ოფიცერი ჩანდიგარჰში (ინდოეთი).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი