2016-05-05 09:42:12, 1269 ნახვა
მსოფლიო
კანადაში ხანძრის გამო საგანგებო მდგომარეობაა გამოცხადებული
კანადაში მასშტაბური ხანძრის გამო საგანგებო მდგომარეობაა გამოცხადებული. ალბერტას პროვინციის ქალაქ ფორტ-მაკმერეიდან მთლიანი მოსახლეობის - 88 000 ადამიანის ევაკუაცია მოხდა, - ამის შესახებ BBC იუწყება.
როგორც მედია საშუალება იტყობინება, ტყეში გაჩენილი ცეცხლი მომდევნო 24 საათის განმავლობაში სავარაუდოდ მთელს ქალაქს გაანადგურებს.
ხანძარი, რომელიც კვირას გაჩნდა, სწრაფად ვრცელდება. განადგურებულია ქალაქის 1600 დაწესებულება, მათ შორის ახალი სკოლა მთლიანად განადგურდა.
დამწვარია 3000-მდე ჰექტარი მიწის ფართობი.
ჯერჯერობით დაშავებულებზე ინფორმაცია არ ვრცელდება. მეხანძრეები და სამაშველო ვერტმფრენები საგანგებო რეჟიმში განაგრძობენ მუშაობას.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
