2016-05-03 16:51:11, 1062 ნახვა

---

ბერძენიშვილი: მიდგომა, თუ რაღაცას ქიბროწაშვილი იყიდის, დასაშვებია, ხოლო თუ ივანიშვილი - დაუშვებელი, არასწორია

"მიდგომა, თუ რაღაცას ქიბროწაშვილი იყიდის, დასაშვებია, ხოლო თუ ივანიშვილი - დაუშვებელი, არასწორია", - ასე გამოეხმაურა  "რესპუბლიკური პარტიის" წევრი ლევან ბერძენიშვილი ბოტანიკური ბაღის გარშემო განვითარებულ მოვლენებს.

ბერძენიშვილი  მოქალაქის უფლების დისკრედიტაციაზე საუბრობს:  

“მე ვხედავ ასეთ პრობლემას - თუ ქიბროწაშვილი შეიძენს,  კარგია, თუ ივანიშვილი შეიძენს- ცუდი. ეს არის მოქალაქის უფლების დისკრედიტაცია. ივანიშვილიც ისეთივე მოქალაქეა, როგორც-სხვა. თუ კანონი არ იღვევა, იყიდოს, თუ ირღვევა, საერთოდ არ გაყიდონ და ვინც ყიდის, იმას მიხედონ. ივანიშვილი რა შუაშია. ვიღაცას დანაშაული ჰგონია ის, რომ მდიდარმა კაცმა ზებრა იყიდა. მე ეს ასე არ მგონია და ასე ლაპარაკი ძალიან არასერიოზულია. მე სახლში მაქვს ერთი-ორი ისეთი წიგნი, რომელიც ეროვნულ ბიბლიოთეკაში არ არის და ამის გამო ნუ დამიჭერთ!“, - აღნიშნა  ლევან ბერძენიშვილმა.

არსებული ინფორმაციით, ბიძინა ივანიშვილისთვის ბოტანიკური ბაღის  29 ჰექტარის აუქციონის წესით გადაცემაა დაგეგმილი.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი