"ვიკილიქსის" ახალი სკანდალი - ამერიკის ეროვნული უსაფრთხოების სააგენტო მსოფლიო ლიდერებს უსმენდა

2016-02-23 12:18:36, 1219 ნახვა

მსოფლიო

"ვიკილიქსი" ახალ სკანდალურ მასალებს აქვეყნებს. როგორც ინტერნეტპორტალი ირწმუნება, ამერიკის ეროვნული უსაფრთხოების სააგენტო მსოფლიო ლიდერთა სატელეფონო საუბრებს ისმენდა.

აღსანიშნავია, რომ "ვიკილიქსის" გვერდზე გამოქვეყნებული მასალების თანახმად, ამერიკელების ყურადღების ცენტრში გერმანიის კანცლერ ანგელა მერკელისა და გაეროს გენერალური მდივანი პან გი მუნის შეხვედრა იყო, რომელზეც კლიმატის ცვლილებებთან ბრძოლის საკითხები განიხილებოდა.

"ვიკილიქსის" მტკიცებით, ამერიკის ეროვნული უსაფრთხოების სააგენტო ასევე უსმენდა ისრაელის პრემიერ ბენიამინ ნეთანიაჰუსა და იტალიის ყოფილი პრემიერის სილვიო ბერლუსკონის საუბარს, რის შედეგად გაირკვა, რომ ისრაელის პრემიერი ყოფილ კოლეგას აშშ-ის პრეზიდენტ ბარაკ ობამასთან ურთიერთობის დარეგულირებაში დახმარებას სთხოვდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან