2021-07-15 10:40:07, 1580 ნახვა
კომენტარი
კარლ ჰარცელი - კარგია, რომ ზაზა გახელაძე ოჯახს უბრუნდება, უკანონო დაკავებები მიუღებელია
საქართველოში ევროკავშირის ელჩი, კარლ ჰარცელი ზაზა გახელაძის გათავისუფლებას სოციალურ ქსელში ეხმაურება.
როგორც ჰარცელი „ტვიტერში“ აღნიშნავს, კარგია, რომ გახელაძე ოჯახს უბრუნდება, რადგან უკანონო დაკავებები დაუშვებელია.
„კარგია, რომ ზაზა გახელაძე ოჯახს უბრუნდება. უკანონო დაკავებები მიუღებელია. მოხარული ვარ, რომ ევროკავშირმა საქართველოში სადამკვირვებლო მისიით ხელი შეუწყო ამ პოზიტიურ შედეგს, ცხელი ხაზისა და ინციდენტების პრევენციისა და მათზე რეაგირების მექანიზმების შეხვედრების საშუალებით“, - წერს კარლ ჰარცელი.
შეგახსენებთ, რომ საოკუპაციო რეჟიმის მიერ უკანონოდ დაკავებული ზაზა გახელაძე პატიმრობიდან გუშინ, 14 ივლისს გათავისუფლდა.
ავტორი: ექსპრესნიუსი,
epn.ge (@expressnews.ge)
