შინაგან საქმეთა სამინისტროს აკადემიაში ახალი ფსიქოაქტიური ნივთიერებების გავრცელების აღკვეთის ხელშეწყობის სახელმწიფო კომისიის მეათე სხდომა გაიმართა. 

 კომისიის შემადგენლობაში საქართველოს შინაგან საქმეთა სამინისტროს, შრომის, ჯანმრთელობისა და სოციალური დაცვის სამინისტროს და ფინანსთა სამინისტროს წარმომადგენლები შედიან. 

შსს-ს ინფორმაციით, სახელმწიფო კომისია ყოველთვიურად იკრიბება და მუდმივ მონიტორინგს ახორციელებს შესაბამისი კანონმდებლობის იმპლემენტაციასა და საქართველოში ახალ ფსიქოაქტიურ ნივთიერებებთან დაკავშირებულ გამოწვევებზე.
უწყების ცნობით, შეხვედრის მონაწილეებმა დადებითად შეაფასეს სახელმწიფოს მიერ განხორციელებული კომპლექსური ანტინარკოტიკული პოლიტიკა. ხაზგასმით აღინიშნა, რომ 2014 წლის მაისის სტატისტიკასთან შედარებით, ახალი ფსიქოაქტიური ნივთიერებების უკანონო ბრუნვის დაბალი მაჩვენებლები შენარჩუნებულია. კლების ტენდენციაზე მეტყველებს აგრეთვე საქართველოს ფინანსთა სამინისტროს მიერ შეხვედრაზე წარმოდგენილი ინფორმაცია, რომლის თანახმად, თებერვალში საზღვარზე ახალი ფსიქოაქტიური ნივთიერებების შემოტანის არც ერთი შემთხვევა არ დაფიქსირებულა.
სახელმწიფო კომისიის სხდომაზე მოხდა 2015 წლის მარტში ქალაქ ვენაში გაერო-ს ნარკოტიკულ ნივთიერებათა კომისიის (CND) 58-ე სესიაზე განხილული საკითხების ანალიზი ახალი ფსიქოაქტიური ნივთიერებების კუთხით. CND-ის სესიას ესწრებოდა ახალი ფსიქოაქტიური ნივთიერებების გავრცელების აღკვეთის ხელშეწყობის სახელმწიფო კომისიის მდივანი და შსს-ს აკადემიის პრორექტორი სოფიო კილაძე. გაერო-ს ნარკოტიკულ ნივთიერებათა კომისიის სესიაზე, სხვა საკითხებთან ერთად, აქცენტი გაკეთდა ახალ ფსიქოაქტიურ ნივთიერებებთან მიმართებით მსოფლიოს ახალ გამოწვევებზე, რამდენიმე ახალი ფსიქოაქტიური ნივთიერების შესაძლო შეტანაზე გაერო-ს საერთაშორისო კონვენციების სიებში, ასევე, საერთაშორისო თანამშრომლობის გაღრმავებაზე.
სხდომაზე აღინიშნა, რომ ახალი ფსიქოაქტიური ნივთიერებები, რომელთა გაერო-ს საერთაშორისო კონვენციებში შეტანაზეც მიმდინარეობს დისკუსია, „ახალი ფსიქოაქტიური ნივთიერებების შესახებ“ 2014 წლის კანონით საქართველოში უკვე კონტროლს არის დაქვემდებარებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი