"ბრალდებები  შეთითხნილია და  შიზოფრენიკი მანიაკის მოთხოვნას ასრულებს",-ამის შესახებ თბილისის ყოფილმა მერმა  გიგი უგულავამ თბილისის საქალაქო სასამართლოში მიმდინარე პროცესზე განაცხადა, სადაც  დამძიმებული ბრალის გათვალსიწინებით, მისთვის აღკვეთის ღონისძიების შეფარდების საკითხზე მსჯელობენ.

უგულავას თქმით, მის მიმართ წარმოებული პროცესები პოლიტიკურად მოტივირებულია.

"ბრალდებები არის შეთითხნილი და ასრულებს შიზოფრენიკი მანიაკის მოთხოვნას. თქვენი უფროსობა ლაქიებივით დარბიან სოლოლოაკში. თავიდან ბოლომდე პოლიტიკური იყო ჩემი დაჭერა არჩევნების წინ და ახლა გამიშვებთ აქციების წინ? დღეს არის მოტყუებული ქვეყანა და გადაგდებული ხალხი, ოქროს მთების ნაცვლად კი მივიღეთ ცისფერი მთები,"- განაცხადა გიგი უგულავამ. 

მან პროტესტის ნიშნად სასამართლო სხდომა დატოვა და აღნიშნა, რომ არც ერთ პროცესზე დასწრებას აღარ აპირებს.

შეგახსენებთ, გიგი უგულავას ბრალდებები დაუმძიმდა. პროკურატურის ინფორმაციით, გიორგი უგულავას მიმართ გამოტანილი დადგენილებით დაზუსტდა ბრალის ფაქტობრივი გარემოებები, ასევე შეიცვალა დანაშაულის კვალიფიკაცია, საქართველოს სისხლის სამართლის კოდექსის 333-ე მუხლის პირველი ნაწილით (სამსახურეობრივი უფლებამოსილების გადამეტება - მთაწმინდის პარკის ეპიზოდი), სსკ-ის 25, 182-ე მუხლის მეორე ნაწილის „ა“ ქვეპუნქტითა და მესამე ნაწილის „ბ“ ქვეპუნქტით (გაფლანგვაში დახმარება - მთაწმინდის პარკის ქონების  გაფლანგვის  ეპიზოდი) და სსკ-ის 25, 194-ე მუხლის მესამე ნაწილის „ბ“ და „გ“ ქვეპუნქტებით (დახამრება უკანონო შემოსავლების ლეგალიზაციაში-ტელეკომპანია „იმედის“ ეპიზოდი) - სასჯელის სახით ითვალისწინებს თავისუფლების აღკვეთას ვადით 9-დან 12 წლამდე. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი