2015-03-12 18:44:55, 909 ნახვა
ეკონომიკა
კვირიკაშვილი: გადასახადების გაზრდის იდეას არსებობის უფლება აქვს
„გადასახადების გაზრდის იდეას თავისთავად არსებობის უფლება აქვს“, - ამის შესახებ ეკონომიკისა და მდგრადი განვითარების მინისტრმა გიორგი კვირიკაშვილმა პარლამენტის დარგობრივი ეკონომიკისა და ეკონომიკური პოლიტიკის და საფინანსო-საბიუჯეტო კომიტეტების სხდომაზე განაცხადა.
კვირიკაშვილის თქმით, მთავრბას არ ჰგონია, რომ გადასახადები უნდა გაიზარდოს.
„გადასახადების გაზრდასთან დაკავშირებით, სავალუტო ფონდის მისიის რეკომენდაციას არ ვიზიარებთ და არ ვაპირებთ გადასახადების გაზრდას, ვინაიდან გადასახადების გაზრდის იდეას თავისთავად არსებობის უფლება აქვს და სავალუტო კრიზისებიდან გამოსავალის ერთ-ერთი იდეა არის ეს, ერთ-ერთ საშუალებად შეიძლება მოაზრებული იქნას ეს, მაგრამ ჩვენ არ გვგონია, რომ გადასახადები უნდა გავზარდოთ“, - განაცხადა გიორგი კვირიკაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
