2016-07-12 17:34:33, 830 ნახვა
რეგიონი
ხელვაჩაურში სტიქიის სალიკვიდაციო სამუშაოები მიმდინარეობს
აჭარის ჯანმრთელობისა და სოციალური დაცვის მინისტრის მოვალეობის შემსრულებელი ნუგზარ სურმანიძე და მთავრობის აპარატის უფროსი რუსლან ქორიძე ადგილობრივი ხელისუფლების წარმომადგენლებთან ერთად, სტიქიის კერას ხელვაჩაურის მუნიციპალიტეტის სოფელ ზედა ჯოჭოში გაეცნენ.
აჭარის მთავრობის ადმინისტრაციის პრესსამსახურის ინფორმაციით, ამ ლოკაციაზე დაზიანებულია სოფელში ასასვლელი გზის მონაკვეთი და ლეონიძეების ოჯახის საკარმიდამო ნაკვეთი. აღდგენითი სამუშაოები ინტენსიურად მიმდინარეობს.
,,ამ კვირის განმავლობაში ჩვენ გვექნება ზარალის ზუსტი ოდენობა. ჩვენ აღვნუსხეთ თითოეული ოჯახი და პირადად გავეცანით მათ მდგომარეობას. ყველა დაზარალებულ ოჯახს აუნაზღაურდება ზარალი", - აღნიშნა გამგებელმა ნადიმ ვარშანიძემ.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
