ეკომიგრანტი ოჯახების საცხოვრებლით უზრუნველყოფის პროგრამის ბენეფიციართა შესარჩევი შერეული სამთავრობო კომისიის მორიგი სხდომა გაიმართა.

აჭარის ჯანდაცვის სამინისტროს ინფორმაციით, სხდომაზე „ეკომიგრანტი ოჯახების საცხოვრებლით უზრუნველყოფის პროგრამის“ ბენეფიციარების - ქედის მუნიციპალიტეტის სოფელ აგარაში მცხოვრები ორი ეკომიგრანტი ოჯახის მიერ შერჩეული საცხოვრებელი სახლების ექსპერტიზაზე გადაგზავნის საკითხი განიხილეს.

კომისიის წევრებმა სტიქიის შედეგად დაზარალებული ოჯახების მიერ წარმოდგენილი საცხოვრებელი ფართები დადებითად შეაფასეს და დასკვნის მისაღებად ექსპერტიზაზე გადაგზავნის გადაწყვეტილება მიიღეს.

დღეის მდგომარეობით, „ეკომიგრანტი ოჯახების საცხოვრებლით უზრუნველყოფის პროგრამის“ ფარგლებში:

მუნიციპალიტეტებისათვის შუამდგომლობის დაყენების მიზნით გადაგზავნილია 193 ეკომიგრანტი ოჯახის მონაცემი;

გამგეობების მიერ შუამდგომლობა აღიძრა 22 ოჯახზე;

22 ოჯახიდან 20 ოჯახს გაეგზავნა შეთავაზება საცხოვრებელი ფართების მოძიების მიზნით, 2 ოჯახს უარი ეთქვა პროგრამაში ჩართვაზე;

ამ ეტაპზე შესასყიდად საცხოვრებელი ფართი წარმოადგინა 4 ოჯახმა და იგზავნება ექსპერტიზაზე ტექნიკური მდგომარეობისა და საბაზრო ღირებულების დადგენის მიზნით;

გამგეობის მიერ შუამდგომლობის აღძვრაზე უარი ეთქვა 14 ოჯახს;

გამგეობა აგრძელებს 154 ოჯახის შესწავლას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი