საქართველოს სახალხო დამცველი უჩა ნანუაშვილი მიიჩნევს, რომ იური ვაზაგაშვილის საქმესთან დაკავშირებით გამოძიებამ შედეგი მალე უნდა დადოს.

უჩა ნანუაშვილი საქმის გამოძიების გაჭიანურების შემთხვევაში,  დროებითი საპარლამენტო საგამოძიებო კომისიის შექმნაზე საუბრობს.

ამასთან, ნანუაშვილის განცხადებით, სახალხო დამცველის აპარატი იური ვაზაგაშვილის დაღუპვის საქმესთან დაკავშირებით, დღის განმავლობაში კიდევ ერთ დეტალს გაამჟღავნებს.

"აუცილებელია ამ საქმესთან დაკავშირებით კონკრეტული შედეგი  ძალიან მალე დაიდოს.თუ შედეგი არ დაიდება, რა თქმა უნდა, შესაბამისად, პროკურატურამ გარკვეული პოლიტიკური პასუხისმგებლობა უნდა აიღოს. აუცილებელია ამ საქმის დაუყოვნებლივი და ეფექტური გამოძიება, ამისთვის მნიშვნელოვანია ყველა ბერკეტის გამოყენება.თუ არ მოხდება   გამოძიება,  უნდა ვიფიქროთ სხვა მექანიზმზე,  მათ შორის,  თუნდაც საპარლამენტო დროებითი საგამოძიებო კომისიის შექმანზე. ჩვენ თვალყურს ვადევნებთ საქმის გამოძიებას. კიდევ ერთ დეტალს დღეს ცოტა მოგვიანებით გავამჟღავნებთ",-განაცხადა უჩა ნანუაშვილმა.

შეგახსენებთ, კასპის რაიონის სოფელ ყარაფილაში იური ვაზაგაშვილი შვილის, ზურაბ ვაზაგაშვილის, საფლავზე გარდაცვლილი იპოვეს. არსებული  ინფორმაციით, ის ააფეთქეს. იური ვაზაგაშვილი, 25 იანვარს  შვილის გვერდით დაკრძალეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო