პრეზიდენტი ნამდვილად არის ეროვნული პრეზიდენტი. ის, ასეთი გადაწყვეტილებების დროს არ მოქმედებს პარტიული ნიშნით,-ასე გამოემხაურა პრეზიდენტის მრჩეველი ადამიანის უფლებათა დაცვის საკითხებში კახა კოჟორიძე პრემიერ-მინისტრის დღევანდელ განცხადებას.

კოჟორიძის თქმით, მაღალი პოლიტიკური თანამდებობის პირებმა განცხადებების გაკეთებისას სიფრთხილე უნდა გამოიჩინონ.

"პრეზიდენტი ნამდვილად არის ეროვნული პრეზიდენტი. ის, ასეთი გადაწყვეტილებების დროს არ მოქმედებს პარტიული ნიშნით. ჩვენ უნდა ვთხოვოთ მაღალი პოლიტიკური თანამდებობის პირებს, რომ მსგავსი განცხადებების გაკეთებისას სიფრთხილე და მაღალი პასუხისმგებლობა გამოიჩინონ, რათა ამ ტიპის განცხადებებმა, შემდგომში არ გააჩინონ აღქმა, რომ საქართველოში მართლმსაჯულება პოლიტიკური ნიშნით ხორციელდება, რაც საბოლოო ჯამში ჩვენს სტრატეგიულ ინტერესებს დააზიანებს," - აღნიშნა კახა კოჟორიძემ.

 შეგახსენებთ, გიორგი მარგველაშვილის მიერ "ნაციონალური მოძრაობის" წევრის, აკაკი ბობოხიძის ძმის შეწყალების გადაწყვეტილებასთან დაკავშირებით პრემიერმა დღეს განაცხადა, რომ საქართველოს პრეზიდენტი ჭეშმარიტად "ნაციონალური" პრეზიდენტია.

როგორც ირაკლი ღარიბაშვილმა აღნიშნა, მას იმედი აქვს, რომ პრეზიდენტი „სააკაშვილს, ბაჩო ახალაიას, ვანო მერაბიშვილს და სხვებსაც, "კეთილ ადამიანებსაც" შეიწყალებს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი