თბილისის საქალაქო სასამართლოში ე.წ. საბოტაჟის საქმეზე ბრალდებული 8 პოლიტიკოსის წინასასამართლო სხდომა მიმდინარეობს. დღევანდელ პროცესზე მტკიცებულებების დასაშვებობაზე იმსჯელებენ. ამასთან, გადაწყდება საქმე არსებითად განსახილველად გადაეცემა თუ არა სასამართლოს.

ადვოკატები მოითხოვენ შეწყდეს საქმის წარმოება და არ გადასცეს მოსამართლემ არსებით განსახილველად სასამართლოს, ვინაიდან გამოძიება მათი შეფასებით დაბალი სტანდარტითაა ჩატარებული და ვერ აკმაყოფილებს დასაბუთებული ვარაუდის სტანდარტს.

ნიკა მელიას ადვოკატი, ირაკლი კონდახაშვილი ამბობს, რომ საქმე პოლიტიკურია და ეს არის ერთ-ერთი მიზეზი, რის გამოც მისი დაცვის ქვეშ მყოფი დღეს სხდომას არ ესწრება.

„როცა სასამართლო გამოაცხადებს ამ საქმეში არის მაღალი ალბათობა, რომ განაჩენი დადგებაო, ერთი თხოვნა მექნება ადგილზე თათბირით გამოაცხადეთ, რადგან ყველაფერი უკვე წინასწარ გადაწყვეტილია“.

8 ოპიზიციონერი ლიდერის საქმეში ვოლოდიმერ ზელენსკისა და დავით არახამიას საიტის დათვალიერების ოქმები დევს - ამის შესახებ სასამართლო პროცესზე მამუკა ხაზარაძის ადვოკატმა, ზვიად კორძაძემ განაცხადა.

კორძაძემ სასამართლო დარბაზში პროკურორებს ჰკითხა, რას ეძებდნენ სხვა სახელმწიფოს ლიდერების გვერდებზე და რაში შეიძლება გამოყენებულიყო აღნიშნული ოქმები ე.წ. საბოტაჟის საქმეში. 

ადვოკატების პოზიცია, რომ ისინი წარმოდგენილ საქმის მასალებში ვერ აიდენტიფიცირებენ მტკიცებულებებს, რომლებიც მათი დაცვს ქვეშ მყოფებს ეხებათ. მათი შეფასებით, დარბაზში ბრალდებულებს სამ სხვადასხვა საქმეზე ედავებიან, თუმცა ისინი მაინც ერთად სხედან და განხილვაც ერთად მიდის. 

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი