მშრომელთა საერთაშორისო დღესთან დაკავშირებით ჭიათურაში აქცია იმართება. აქციის მონაწილეები სოლიდარობას უცხადებენ ოთხ დაკავებულ მაღაროელს და იმ ადამიანებს, რომლებიც შიმშილობენ. აქციის მონაწილეების ინფორმაციით, სოლიდარობის ნიშნად, დღეს ჭიათურის საჯარო სკოლებში სასწავლო პროცესი შეწყდა.

მაღაროელების მხარდასაჭერად ჭიათურაში უფლებადამცველები, არასამთავრობო ორგანიზაციების წარმომადგენლები ჩავიდნენ, აქციას შეუერთდნენ ადგილობრივებიც.

აქციაზე მაღაროელებმა განაცხადეს, რომ აქციის მონაწილეების წინააღმდეგ შავი პიარის აგორება მიმდინარეობს. აქციაზე გამომსვლელებმა ასევე არ გამორიცხეს, რომ შუქრუთის მაღაროს დირექტორმა თვითდაზიანება მიიყენა, რათა შემდეგ პროტესტის აქტივისტები დაეკავებინათ.

ჭიათურის ცენტრში მობილიზებული არიან სამართალდამცავები.

ჭიათურაში 28 აპრილს მომხდარ ინციდენტთან დაკავშირებით პოლიციამ, ჯანმრთელობის განზრახ ნაკლებად მძიმე დაზიანების ბრალდებით, ოთხი პირი დააკავა.

შინაგან საქმეთა სამინისტროს ინფორმაციით, „გამოძიებით დადგინდა, რომ ბრალდებულები ჭიათურის მუნიციპალიტეტში შუქრუთის მაღაროს დირექტორს, 1982 წელს დაბადებულ თ.კ.-ს ფიზიკურად დაუპირისპირდნენ და სხეულის სხვადასხვა არეში დაზიანებები მიაყენეს. სასწრაფო სამედიცინო დახმარების თანამშრომლებმა თ.კ. სამედიცინო დაწესებულებაში გადაიყვანეს, სადაც მას შესაბამისი სამედიცინო დახმარება გაეწია“.

ქუთაისის საქალაქო სასამართლოში ოთხი დაკავებული მაღაროელის სასამართლო პროცესი დღეს გაიმართება, რომელზეც აღკვეთის ღონისძიების შეფარდებაზე იმსჯელებენ.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი